Кніжная выстава «Радзіма пачынаецца з жанчыны: славутыя жанчыны ў гісторыі Берасцейшчыны»

У аддзеле краязнаўства Брэсцкай абласной бібліятэкі імя М. Горкага дзейнічае кніжная выстава «Радзіма пачынаецца з жанчыны: славутыя жанчыны ў гісторыі Берасцейшчыны».

На працягу шматвяковай гісторыі многія жанчыны пакінулі сваімі справамі непаўторны след на зямлі. У кожнай з іх было рознае жыццё. Часы, калі яны жылі, іх погляды, характары, паводзіны непадобныя паміж сабой.

9 верасня ў зале галіновай літаратуры  ЦГБ імя В. Таўлая адбыўся вечар-успамін «І будзе памяць берагчы тваё імя…», прысвечаны 80-годдзю з дня нараджэння паэта, празаіка, мастака Венанцыя Бутрыма. Студэнты БарДУ, родныя і блізкія юбіляра, прадстаўнікі творчай інтэлігенцыі сталі ўдзельнікамі сустрэчы ў бібліятэцы, праграма якой складалася з наступных раздзелаў: уступнага слова «Спявайце ж мне верасы», жыцця і творчасці пісьменніка «Дзён маіх лепшыя дні…», электроннай прэзентацыі «Мой ты верасень», літаратурнай старонкі «Можа слоў і збяру, каб злажыць…», кніжнай выстаўкі «Фарбы таленту», тэатральнай замалёўкі «Карчма. Дажынкі» паводле ўрыўка з паэмы «Ліра і Горан», мастацкага калейдаскопа «І фарбы, і колер» аб карцінах В. Бутрыма, слова пра сябра «Паэт. Мастак. Асоба». Перад прысутнымі з паэтычнымі творамі «Высокае неба паэзіі» выступілі пераможцы конкурсу дэкламатараў вершаў В. Бутрыма, які праводзіўся ў школах горада.

7 кастрычніка ў ЦГБ імя В. Таўлая прайшла прэзентацыя творчых работ дзіцячай студыі дэкаратыўнага мастацтва «Монпансье». Праграма сустрэчы складалася з уступнага слова «Лето – прекрасное время для творчества», кніжнай выставы «Книги о творчестве», прэзентацыі творчых работ «Монпансье, паэтычнай замалёўкі «Конфетки монпансье – вкус детства!», віншаванняў і ўручэння грамат «Дебют юного художника».

14 кастрычніка ў сектары літаратуры на замежных мовах ЦГБ імя В. П. Таўлая працавала фотасушка «Экологический креатив». На гэтым мерапрыемстве былі падведзены вынікі фотамарафона «Креатив для окружающей среды», які праходзіў у рамках Тыдняў Германіі ў Беларусі 24 верасня. Удзельнікаў марафона віталі ўступным словам «Экология города» заг. сектара Н. А. Станкевіч і лектар фонда імя Р. Боша Таня Бальдрайх. Прайшло галасаванне гледачоў «Взгляд» і ўзнагароджванне пераможцаў «Подарки в студию!». Дапоўнілі ўзнагароды музычны дывертысмент «John & Katja» і імправізацыя «Город-экология-библиотека» слэм-аўтара з Германіі Тобіяса Кунцэ.

Літаратурна-музычны вечар «Мелодия в душе моей звучит», прымеркаваны да 70-годдзя паэтэсы і барда Ірыны Мезенцавай-Здановіч, адбыўся 21 кастрычніка ў зале галіновай літаратуры (краязнаўства) ЦГБ імя В. П. Таўлая. Праграма вечарыны складалася з уступнага слова «Быть понятной для всех», творчага калейдаскопа «Мелодия в душе моей звучит», электроннай прэзентацыі «Жизнь. Женщина. Творчество», кніжнай выстаўкі «Песня моей души», літаратурнага слова «Строки любви и добра», паэзіі ў музыцы на словы І. Мезенцавай-Здановіч «Рифмы и песни» ў выкананні вакальнай групы «Світанак», вакальнай групы ДК п. Мір, выканаўцаў Т. Здановіч, Л. Шабанавай, Н. Будзейка, З. Лушчык, В. Пазнякевіча, Р. Скіпар, І. Мезенцавай-Здановіч.

3 кастрычніка галоўны бібліятэкар чытальнай залы літаратуры па краязнаўстве І. П. Дрэкоўская аформіла кніжную выстаўку «Добрый наставник и друг», прысвечаную Дню настаўніка. Наведвальнікам прапанавана тэматычная падборка дакументаў краязнаўчага характару, прысвечаная прафесійнаму святу педагогаў.

16 кастрычніка 2015 г. распачала сваю дзейнасць выстаўка творчых работ «Яркие краски лета» дзіцячай студыі дэкаратыўнага мастацтва пад кіраўніцтвам Ірыны Літвінюк (чытальная зала літаратуры па мастацтве ЦГБ імя В. П. Таўлая). Прадстаўлены працы ў розных тэхніках акварэльнага жывапісу. На адкрыцці выстаўкі адбылося ўрачыстае ўзнагароджанне граматамі і салодкімі медалямі таленавітых маленькіх землякоў. 

22 кастрычніка бібліятэкар Н. М. Кіпель правяла з пяцікласнікамі СШ № 7 краязнаўчы ўрок «Помнікі – вехі гісторыі». Урок прайшоў у форме віртуальнай экскурсіі па вуліцах Баранавічаў. Бібліятэкар распавяла пра гісторыю стварэння некаторых гарадскіх помнікаў, засяродзіла ўвагу на знакамітых асобах, рэчах і падзеях, памяць аб якіх яны ўвекавечваюць.

23 кастрычніка ў Баранавіцкай ЦГБ адбыўся вечар-сустрэча «Жыццёвыя і творчыя вандроўкі Аляксея Белага», прысвечаны паэту, мастаку, намесніку дырэктара Выдавецкага дома «Інтэкс-прэс» Аляксею Беламу. Прысутныя пачулі аповед Аляксея Ільіча пра няпростыя жыццёвыя сцежкі, якія прывялі ўраджэнца в. Міхнавічы Івацэвіцкага раёна ў наш горад, пра тое, як нараджаюцца вершы і карціны, якое месца займае ў жыцці творцы сям’я і работа. Супрацоўнікі чытальнай залы літаратуры па краязнаўстве падрыхтавалі аднайменную электронную прэзентацыю пра жыццёвы і творчы шлях таленавітага гараджаніна. Гучалі вершы Аляксея Белага ў аўтарскім выкананні і ў выкананні калег і сяброў паэта – як новыя, так і вядомыя, з яго паэтычных зборнікаў «Каляровыя сны», «Боскі вецер правінцыі», «Тридцать второе августа», «Невольничьи песни», «Кветкі ў стагах». Да мерапрыемства ў чытальнай зале быў аформлены міні-вернісаж мастацкіх работ – карцін, фатаграфій вітражоў, створаных рукамі паэта-мастака.